Rabu, 10 Oktober 2012

Pituah Minang

Kulik bajagek tau batang
Batang bakunci tau akhie
Urek tatunggang ateh bumi
Pucuaknyo nyato bahantaran
Batangnyo sandi andiko
Dahannyo cupak jo gantang
Rantiangnyo babarih balabeh
Dimano ko alua jo patuikan
Ingek dek kaji nan paratamo

Dimano ko lauik manyatokan
Ingek di hati nan paratamo
Dimano ko Allah manciptakan
Kok jo adaik pandai jo raso
Kok jo syarak pandai babarito
Kok di alif tingga di alam
Di jantuang kito patauikan
Kok indak pandai usah curito
Kok nan pandai bilangan nan cadiak
Urang adaik bisa picayo
Disiko kito bamufakaik
Saiyo sakato, sahilia samudiak
Kurang tukuak manukuak
Senteang bilai mambilai
Satukan iman jo tawakal
Baru kito nan basamo
Kok indak katakah itu
Usahlah adaik minang ka dibaco

Tidak ada komentar:

Posting Komentar